Verslaði mér bíl í gær , Þetta er semsagt Sidekick 97 árgerð á 33" dekkjum, Bíllinn var tekinn aðeins í gegn fyrir 2 árum eða svo skipt um sílsa og farið í ryð á honum svo var hann málaður eftir það,
Bíllinn er ekinn 150.000 beinskiptur og með 1800cc vélinni.
Ætla mér nú ekki að breyta þessum bíl neitt meira þar sem þessi kaup voru hugsuð í þá áttina að nota bílinn í veiði og koma mér í sumarbústaðinn, En ekki það ég mun eflaust fara einhverjar ferðir á honum annað væri bara rugl.
Planið er nokkuð einfalt hjá mér ætla að sinna þessu venjulega viðhaldi á næstunni og svona smá mál sem ég vill laga.
Skipta um afturstuðara og bensíntank svo fljótlega láta kíkja á keðjuna í honum.
Laga samlæsingar og skipta um græjur í bílnum. Keyri dekkin sem eru undir honum út sumarið svo kaupi ég ný.
Á voðalega fáar myndir af honum en læt fylgja 2-3 sem ég hef tekið frá ég náði í hann í gærkvöldi.
Tankaði þegar ég var að sækja
Sést aðeins í skemmdina á stuðaranum ætla að skipta um hann
Smurbókin góða þetta gleður mitt litla hjarta
Ofur silfur/króm grillið þetta verður málað svart hugsa að ég heldi Súkku merkinu gylltu
En hvað hafa menn verið að gera í læsingarmálum? Eina sem ég hef fundið sem er svona budget ódýrt er lock right,
Ég hef keyrt bíla sem eru soðnir að aftan og finnst það allt í lagi en ekkert spennandi. Lock Right gefur allaveganna eitthvað eftir skillst að það sé einn hérna inná sem er búinn að nota þetta í einhvern tíma og kann vel við þetta.
En ég er ekkert að stressa mig, þetta má allt koma með tímanum. Þarf að skipta um smokkinn á gírstönginni og annað smá dót.
Græjaði takka fyrir loftflautuna áðan svo ég geti látið vita að ég sé á svæðinu hendu þessu svo saman eftir vinnu á morgun.
Núna þarf ég að skella mér í vinnugallann eitthvað kúplingsvesen í gangi. Er að slíta ansi illa og bara erfitt að koma honum í gír. Er hægt að stilla þetta eitthvað eða er maður að fara í nýja kúplingu og pressu?
Sæll, heyrðu, tékkaðu kúplingspedalann sjálfan, lenti í þessu einu sinni og þá var pedallinn orðinn laus, en farðu varlega í það að setja hann á réttan stað, það gæti verið smá maus að koma honum á réttann stað uppá afstöðu, svona ef þetta er pedallinn
Ég skrapp aðeins út að skoða þetta, Kúplingsvökvinn orðinn grár með ögnum í, Flushaði kerfið þar til að vökvinn var orðinn tær og fínn. Alveg eins gott að gera það núna í stað þess að bíða með það þegar ég skipti um það sem þarf að skipta um.
Verst bara að ég hef ekki hugmynd hvar á netinu er gott að panta í þennan bíl
Er ekki viss með eitt né neitt eins og er, Kúplingin er búin að vera leiðinleg frá ég kaupi bílinn, Svona víst að ég er í stuði þá held ég að það sé bara fínt að kaupa kúplingssett, þræl og dæluna þetta er svo ódýrt að versla í þetta meðað við þá bíla sem ég hef verið að versla í í gegnum tíðina og þá er þetta líka allt nýtt og fínt
Þar sem ég tók ekki sénsinn að panta að utan án þess að vera búinn að rífa kúplinguna úr og skoða hana. Þá ákvað ég að skoða þetta betur áður en ég færi að rífa kassann úr.
Til hamingju með bílinn! Þetta er töff græja. Varðandi læsingar þá get ég hiklaust mælt með Lock-Rite læsinguna að aftan. Ég er búinn að vera með þannig núna í nokkur ár og líkar mjög vel. Bíllinn fer ótrúlega mikið bara í afturdrifinu og enn meira í 4x4 með læsinguna að aftan. Það þarf samt aðeins að passa sig í hálkuna innanbæjar með þetta og halda mjög rólegum stöðugum hraða í hringtorg og beygjum, annars á bíllinn það til að snúast. En maður lærir fljót inn á þetta. Ég hugsa að fyrir flesta sé Lock-Rite að aftan yfirdrifið nóg varðandi að fara meira.
Ég fer sjálfur samt í frekari framkvæmdir þegar aurar leyfa... Ég er með 5.83:1 Fram og aftur hlutföll með Lock-Rite að aftan og mjög svipaða læsingu að framan.
Já mig minnir að hann sé fínn hehe. Svo langt síðan að ég keyrði hann. Það er bara svo andskoti mikið að gera í vinnunni og ég hef ekki tíma til að vinna í bílnum svo hann fer vonandi á götuna eftir einhverjar vikur hehe
Bílabúð Benna Altered Ego Motorsport Rocky-Road.com Calmini Boondoxmotorsports.com Trail Tough Low Range Off Road DG Tuning
Svona sem dæmi... Verð fara eftir gengi erlends gjaldmiðils vs krónu og hvern þú þekkir sem gæti reddað þér afslætti hér heima í flutningum eða komið með vörur heim...
Brummi litli hérna á spjallinu var að selja afturlæsingu í vitöru. Hún gat fengist á góðu verði. Heyrðu í honum Ég veit ekki hvort að hún passi í sidekick eftir 95? en Sævar getur nú væntalega svarað því
Þessi er farinn að keyra aftur. Núna er ég bara að spá hvort ég eigi að hafa hann á 33" í sumar eða kaupa eitthvað minna undir hann. Þarf allaveganna að kaupa ný 33" fyrir næsta vetur svo það má alveg klára þessi
Já ég ætla að hafa hann á 33", Er búinn að vera á stöðugum þvælingi síðan að bíllinn kom aftur á götuna. Mikið rosalega er gaman að þvælast um á þessum tíkum
Ég fékk tilboð í bílinn fyrir nokkrum vikum og var svona að hugsa að láta bílinn fara en sökum þess að það var alveg að detta í hringferð hjá mér og konunni sagði ég við viðkomandi að ég skildi láta hann vita eftir ferðina.
2400 km seinna EKKI SÉNS,, Bíllinn stóð sig eins og snillingur. Sama hvað ég bauð honum uppá upp brekkur með fellihýsið eða ekki. Næst á dagskrá henda rafmagnsviftu í gripinn og nýdekk.
Lumur einhver á sniðugri útfærslu á drullusokkum að aftan, Það var renningur soðinn í hjólaskálina það hefur rifnað undan áður en ég kaupi bílinn og núna er sá seinni farinn.
Sem þýðir að ég þarf að skella mér í smá suðuvinnu skera og sjóða í hjólaskálarnar.
Eina sem hefur enst hjá mér var 25x25 vinkill þykkt c.a. 4mm og soðið í grind, svo harðplast drullusokkur skrúfaður á með stórum skífum og ryðfrí keðja hend skáhallt upp í stuðarann til að styðja við sokkinn.
Þessi datt í 160.000 km nýlega, Og er alveg að standa sig fór á rjúpu um helgina og PIKKFESTI MIG. Það var rosalega gaman fattaði að ég hafði tekið skófluna úr bílnum svo ég var í 3-4 tíma að moka bílinn upp með hamri og lúkunum. Þessi festa var alfarið bílstjóranum að kenna og þegar ég loksins losnaði bakkaði ég nokkra metra og bombaði upp brekkuna.
En núna þarf ég ráðleggingar hjá mönnum sem vita betur en ég.
Hlutföll ég geri ráð fyrir því að bíllinn sé á orginal hlutföllum og 5 gírinn í raun ónothæfur fyrir mér lalla frekar bara á 80 í 4 á 3000 snúningum.
Þar sem á planinu er að henda 2.0 grand vitara vél í bílinn og búið að versla alveg eitt stykki í það swap þá er ég mikið að velta fyrir mér hlutföllum. Ég geri ráð fyrir því að bíllinn muni ráða við 5 gírinn með nýju vélinni en eru einhver hlutföll sem þið mælið með?
Það eru engin hlutföll framleidd lengur í þessa bíla okkar því miður. Ég fann 5.83:1 Fram + Aftur með læsingum notuð í Californiu eftir 2 ára víðtæka leit og keypti þau strax og ég fann þau. Ég sé ekki eftir því enda stór munur á bílnum. Ég fann stuttu síðar 5.72:1 á annað hvort þýskri eða spænskri vefsíðu fyrir ca 1 ári síðan en var að leita fyrir þig núna aftur og það virðist vera búið að fjarlægja það af síðunni þeirra.
Það á að vera einhver einn einstaklingur á zukiworld.com sem er að selja notuð orginal Fram og Aftur 5.62:1 hlutföll sem eru spennandi að því leiti að þau breyta aðeins en eru væntanlega sterkari en hlutföll eins og ég er með. Minnir að hann heiti Skyhanger sem er að selja þau.
Beinskipti bíllinn eins og þinn á að vera alveg merkilega sprækur samt miðað við Súkku á 5.13:1 hlutföllum. Pabbi er með einn svona 1.8L á 5.13:1 á 33" og hann er bara þokkalega fínn í akstri. Minn er sjálfskiptur þannig að skiptingin er að taka sitt og munar slatta að fá þessi breyttu hlutföll.
Annars er ég einnig búinn að eignast 2.0L vél og er að skipuleggja smá vélar tjúningar áður en hún fer ofan í. Það verður fróðlegt og gaman að fylgjast með þessu hjá þér. Gangi þér vel með þetta Súkku project!
Maður systur minnar vill endilega að ég fari í Turbo á 2.0 vélina.
Það er alveg skemmtileg pæling, 200-250 hestöfl svona hóflegt svo þetta endist.
En svo er auðvitað mikill kostnaður við þetta, Túrbína,kaupa eða smíða eldgrein fyrir turbo, spíssar, intercooler, intercooler lagnir, tölva til að stjórna þessu öllu, bensíndæla og svo hellingur af krónum í hitt og þetta.
Ekki þess virði finnst mér ef það á bara að blása lítið og vera nægjusamur.
Ég hef átt svíntjúnaðan Mustang með blower m/ca 10 PSI boost og fullt af öðru flottu dóti undir húddinu. Átti hann í 8 ár þannig að ég hef reynslu af aflmiklum bílum og mikið af tjúningum...
En með svona lítið grey eins og Súkkurnar okkar þá myndi ég bara (persónulega) halda mig við minniháttar tjúningar á orginal vélinni og ekkert vera að spá í túrbó. Gæti frekar séð fyrir mig ca 50-75 HÖ skot af NOS svona til að taka fram úr eða bruna upp brekkur.
En ef maður vildi túrbó vél held ég að ég tæki mótór úr MazdaSpeed 6 2.3L (túrbó) og setti í súkkuna. Hún er fyrir 4x4 bíl (Fólksbíl reyndar en samt...) og gefur um 263 HÖ og er með ALGJÖRLEGA flata torque kúrvu frá 2000 RPM upp í ca 6000 RPM og mökk virkar. Smá loft intaks og púst breytingar seta vélina auðveldlega í 300 HÖ. Ég hef ekið um á svona bílum og þetta togar alveg endalaust og það alveg niður í 2000 RPM. Þetta er ekkert ofboðslega þungur mótór og ekkert allt of stór þótt það sé fullt af dóti utan um hana. En þetta eru svona smá draumórar.
Ég ætla mér að porta orginal 2.0L headið lítillega (hef gert það á nokkrar vélar) Bora vélina út um 0.5 mm þannig að hún sé að nálgast 2.1L vél. Mögulega láta Extrude Hone græja púst greinina, porta soggreininga lítillega og hef verið að skoða það að senda inngjafarsjaldið í borun um 2-3 mm og nýja blöðku í því ef það er hægt (hef séð þannig þjónustu fyrir Jeep bifreiðar). Síðan er ég með smá trikk með kerti til að fá örlítið betri nýtingu. Þetta ætti að gefa hógvært reiknað um 150-160 HÖ (2.0L vélin er orginal 136 HÖ) með því sem næst orginal endingu og orginal varahluti í allt. Þetta er ekki nema um 1.5 tonna bílar með ökumann, bensín og smá verkfæri og dót í bílnum. Þannig að þetta er alveg viðunandi afl aukning fyrir flesta.
Að smíða túrbó á orginal vélina er hægt, hef séð þannig á zukiworld síðuna. En þetta er risa stórt verkefni og óvíst að gangur og virkni á vélinni verði til friðs. Það eru ekki nema 1-2 framleiðendur af tölvum til að stjórna þessu dóti öllu sem ég hef fundið (gætu verið fleirri).
En turbo er samt ekkert stormal fyrir mann sem kann til verka og svo getur baldur gert tölvuna,(veit samt ekki hvað það kostar) honum gekk nu þrusu vel með sinn bìl ef mig misminnir ekki ta a hann ad vera skila 200+ ho med moddaðan 1600 motor,
Annars hef eg haft flugu i hausnum ad redda lowpresure turbinu a minn (2,0) bara tilað auka tog( a laga snuningnum) , en það hefur. Aldrei verið hugsað til lengdar bara sma pæling
Númeraplöturnar eru farnar af þessum, Konunni tókst illa að hemja aflið í súkkunni og hennti henni á vegrið.
Var alls ekki í stuði að meta tjónið að fullu eftir að ég sótti bílinn áðan.
En þetta lítur ok út, Laga stuðara, skipta um 2 stýrisenda og stýristöng, veit ekki hvernig maskínan er, Stöngin frá stýri yfir í maskínu bognaði aðeins. Vona bara að þetta sé allt