Sælir, við höfum nokkrir úr Sukka skráð okkur í Litlunefndarferð F4x4, til þess að sýna þeim hverjir eru bestir að sjálfsögðu.
Hvetjum ykkur að skrá ykkur, það kostar ekki neitt, dagsferð, allar jeppastærðir leyfilegar.
Gott skap, vonandi smá snjór enda kuldaspá...

-Endilega ef þið skráið ykkur, biðjið um að fá að vera í hóp með okkur sukka strákunum svo við höldum almennilega hópinn. Við sem höfum þegar skráð okkur erum Sævar Örn, Brynjar og Sigurjón.

Hér er allt um ferðina og skráning http://www.f4x4.is/index.php?option=com_content&view=article&id=951:skraning-hafin-i-novemberfere-litlunefndar&catid=75:litlanefnd&Itemid=130


PS MINNI Á FUNDINN FYRIR FERÐINA SEM HALDINN VERÐUR FIMMTUDAGSKVÖLDIÐ 19 NÓV Á EIRHÖFÐA sjá kort MÆTING KL kl. 20:00. Á kynningarfundinum verður farið yfir leiðaval og helstu öryggisatriði kynnt, auk grunnnámskeiðs í jeppamennsku fyrir þá sem hafa áhuga á því.
Við hittumst á Shell, Select við Vesturlandsveg á laugardagsmorgninum kl. 8:30, en lagt er af stað stundvíslega kl. 9:00. Við áætlum að vera komin til byggða fyrir kl. 19:00 á laugardagskvöldinu.


Sjáumst HRESS!!

Í nótt var suzuki vitara 3 dyra, 97 árg, stolið af malarplaninu við skuggahverfið. Súkkan er græn á 31" dekkjum og mjög riðguðum felgum, nr er ER-546
Ef þið sjáið hana endilega hafið samband
Þráinn s. 8638528
Aðalheiður s.7723913
eða lögregluna

Sjá mynd hér


ÖNNUR SÚKKA Í ÓSKILUM
Neðri bíllinn er fundinn, 14. nóv



Grænni Suzuki Sidekick, 95 módel var stolið fyrir utan Tækniskólann við Skólavörðuholt. Bíllinn þekkist helst á því að á honum er rauð afturhurð, og bílnúmerið er DF 480. Upplýsingar berist í síma 866 3297 eða lögreglan á höfuðborgarsvæðinu. Fundarlaunum heitið.
Sjá mynd!


ENDILEGA hafið augun opin fyrir þessum bílum, það hefur fjórum bílum sem ég veit af verið stolið af þessum vitara og sidekick gerðum svo ekki er alls óvíst að þarna séu sömu menn á ferð.
Ef þið sjáið varahluti í súkkur til sölu væri einnig gott að fá að vita af því og þá helst hvernig litur á boddyhlutum sé o.s.fv.

Eins hvet ég ykkur súkkueigendur til að hirða allt lauslegt úr bílunum, svo sem tæki talstöðvar, GPS, verkfæri og þ.h. og læsið. Eins hefur mikið borið á dekkjaþjófnaði og því skal hafa varann á ef bíllinn er látinn standa óséður eða þar sem lítil umferð er. N1 selur líka felgurær sem eru með láshaus og kosta ekki stóran pening, getur marg borgað sig því hvert sett hefur mismunandi munstur og kemur í veg fyrir að hægt sé að losa dekkin undan bílnum með venjulegum verkfærum.



Bætt við af Sævari Erni.



Neðri bíllinn er fundinn, 14. nóv

Fundur í kvöld verður haldinn með óvenjulegu sniði frá fyrri vana, hér er meira um það mál




Í framtíðinni verða fundir með þessu sniði, en ég hvet ykkur til að kjósa í könnuninni okkar hérna vinstra megin á síðunni, það ætti að gefa okkur einhverja hugmynd um hverskonar fundarsnið þið hafið áhuga á, og já ef þið hafið upp á fundarstað að bjóða, bílskúr með súkkudóti, heimahús eða fundarsal þá endilega látið í ykkur heyra því við verðum að halda áfram að hittast amk. einu sinni í mánuði.

Það verður enginn fundur núna, enda eru engin málefni sem ég veit um sem þarf að tala um. Kolli er heldur ekki spenntur að halda fundi á Kleppsveginum framvegis. Ég legg til að við reynum að finna einhvern annan stað fyrir fundi, t.d. í heimahúsum eða í bílskúrnum hjá einhverjum eins og var nú einu sinni búið að stinga uppá. Ekki þarf að hafa fundina alltaf á sama stað eða reglubundna, bara boðum á fund þegar það þarf að ræða einhver málefni.

Klippistofan Rebel á Nýbýlavegi er þess heiðurs aðnjótandi að vera fyrsti auglýsandinn á sukka.is. Eigandinn Hrólfur lætur ekki þar við sitja, heldur vill hann bjóða súkkujeppaeigendum tilboð í klippingu, eða 3200kr.
Sjálfur lét ég rýja minn koll þar um daginn og hef allar götur síðan vakið athygli fyrir einstaka hausfegurð (þ.e. meiri en venjulega). Viðmótið er vinalegt og ekki þarf að lesa Séð & Heyrt eða dönsk prjónablöð meðan beðið er eftir klippingu, heldur er lesefnið bílablöð og poolborð útí horni ef maður vill ekki lesa.
Ég get því hiklaust mælt með Rebel fyrir stráka, kalla og börn.

Vill bara minna alla fundinn hjá F4x4 á mánudaginn næstkomandi 2.nóv. Á fundinum verður SÍS með kynningu á klúbbnum og síðunni og fleira, ásamt fleirum klúbbum reikna ég með. Hvet sem flesta til að mæta að horfa á.

Í kvöld verður fundur haldinn kl 8 á Kleppsveginum.

Einar verður þar til að svara öllum spurningum um límmiðana, og tekur móti greiðslum fyrir þeim límmiðum sem voru pantaðir fyrir fyrstu prentun, og tekur einnig við pöntunum í næstu prentun.

Endilega mæta og sýna lit, súkkur og grobb.


PS, þennan mánuðinn stefnum við í 100,000 flettingar frá yfir 5000 tölvum, 99,2 prósent þessara eru innlendar tengingar.

Samanborið við síðasta mánuð voru 45000 flettingar, og þar áður 21000, þannig það má með sanni segja að þessi síða sé enn í mikilli útbreiðslu, og spennandi verður að sjá hvað gerist þegar límmiðar verða komnir á alla bílana okkar.

Á fundinum í kvöld verður rætt um límmiða, allir þeir sem hyggjast kaupa límmiða eru hvattir til að mæta á fundinn og skrá sig til að fá smá hugmynd um hve marga miða þyrfti að prenta og einnig til að sýna ykkur prufumiða og jafnvel kennsla í ásetningu ef þess er óskað.


Sjáumst hress í kvöld á kleppsvegi kl 8

Gleðilegan snjó félags og áhugamenn um Suzuki Bifreiðar!

Í gærkvöld ræddum við um Tálknafjarðarferð, viðstaddir voru Ég, Arngrímur, Óli og Smári.

Allir höfðum við áhuga á því að koma að þessari ferð á einn hátt eða annan.


Enginn okkar virtist þó treysta sér í þann langa akstur sem myndi eiga sér stað, ég lagði til að fyrst færum við nokkrir á einhverjum litlum eyðslulitlum bíl og skoðuðum góssið, hvað þarna væri að finna, hversu margir bílar þarna væru eigulegir(hve margar kerrur við þyrftum að hafa með okkur næst)

og einnig að sjá hvaða varahlutir eru í boði(sjá hve margar eða hve stóra kerru við þurfum í það)


Engin dagsetning hefur þó verið ákveðin og því mæli ég með því að Gunni og þeir sem hafa verið í sambandi við mannin þarna komist að einhverri niðurstöðu um dagsetningu sem við gætum komið að skoða. Svo leggðum við allir einhvern aur í púkk fyrir bensíni á "eyðslulitlum bíl" og keyrðum áleiðis til Tálknafjarðar.



Mér var send þessi mynd af bíl sem stendur við bæinn Lambeyri, gegnt Tálknafirði, eins og ég skildi það þá var þessi bíll falur, en hann lítur sæmilega út, nema afturhleri er ónýtur úr ryði og einhver vinna við hjólskálar neðarlega aftan við hjól. Þessum þyrfti að bjarga því þarna stendur hann niður við sjó og mun hverfa á næstu árum...